ဆိုးလ်မှ သမိုင်းဝင်အဆောက်အအုံမီးရှို့သူ ဖမ်းမိ။
တောင်ကိုရီးယားတွင် သမိုင်းဝင် အထင်ရှားဆုံးအမှတ်အသား တစ်ခုဖြစ်သော ဆိုးလ်မြို့လယ်ကောင်ရှိ နမ်ဒေးမွန်မုခ်ဦးဝကြီးသည် ရှို့မီးဟုယူဆရသော မီးလောင်မှုတစ်ခုကြောင့် တနင်္လာနေ့နံနက်တွင် ပြိုကျသွားခဲ့ ကြောင်းရဲတပ်ဖွဲ့ကပြောသည်။ ၎င်းင်းကျောက် ဂိတ်ဝအထက်တွင် မြို့တော်၌ သက်တမ်း အရင့်ဆုံးသော အဆောက်အအုံဖြစ်သည့် နှစ်ထပ်သစ်သား အဆောက်အအုံသည် တနင်္ဂနွေညနေက မီးစွဲလောင်ခဲ့ခြင်းဖြစ်သည်။
မီးငြှိမ်းသတ်ခဲ့ကြသော မီးသတ်သမားပေါင်း ၈၀ က ၎င်းင်းမီးကို တနင်္ဂနွေ ညဥ့်နက်ပိုင်းတွင် ထိန်းချုပ်နိုင်ခဲ့ သော်လည်း မီးညွှန့်မကျိုး၍ ပြန်ထလောင်ခဲ့သည်ဟု ယူဆသည်။
၎င်းင်းမုခ်ဦးကို ၁၃၉၈ ခုနှစ်တွင် တည်ထောင်ခဲ့ပြီး အမျိုးသားအမွေ အနှစ်နံပါတ်တစ်နှင့်အဓိက ကမ္ဘာလှည့်ခရီးသည် ဆွဲဆောင်မှု တစ်ရပ်အဖြစ်သတ်မှတ်ခြင်းခံရသော နေရာတစ်ခုဖြစ်သည်။ ၁၄၄၇ ခုနှစ်တွင် ပြန်လည် ပြင်ဆင် တည်ဆောက်ခဲ့ပြီး ထို့နောက်ပိုင်း၌ အကြိမ်ကြိမ် ပြင်ဆင်မွမ်းမံခဲ့သည်။
တောင်ကိုရီးယားနိုင်ငံ၏ အထင်ကရ သမိုင်းဝင်အဆောက်အအုံကို မီးတင်ရှို့ခဲ့ကြောင်း ဖြောင့်ချက်ပေး ခဲ့သူတစ်ဦးမှာ ယဉ်ကျေးမှုဆိုင်ရာ သမိုင်းဝင်ဌာနများကို မီးရှို့ခဲ့သည့် မှတ်တမ်းရှိသူတစ်ဦးဖြစ်ကြောင်း အင်္ဂါနေ့တွင် ရဲတို့က ပြောကြားခဲ့သည်။ သက်ဆိုင်ရာအာဏာပိုင် အဖွဲ့အစည်းများမှာလည်း လုံခြုံရေးလျော့ရဲသည် ¸ုဆိုကာ ပြစ်တင်ဝေဖန်မှုများခံခဲ့ကြရသည်။
တောင်ကိုရီးယားနိုင်ငံ ဆိုးလ်မြို့လယ်ကောင် ရှိ နှစ်ပေါင်း ၆၀၀ ကျော်သက်တမ်းရှိခဲ့ပြီ ဖြစ်သော နမ်ဒေးမွန် မုခ်ဦးကြီးကိုမီးရှို့ဖျက်ဆီး ခံလိုက်ရမှုနှင့်စပ်လျဉ်း၍ ပြည်သူလူထု၏ ၀မ်းနည်းကြေကွဲမှုနှင့် ဒေါသထွက်မှုများ ကျယ်ကျယ်ပြန့်ပြန့် ပေါ်ပေါက်နေချိန်တွင် ဆိုးလ်မြို့ရှိသမိုင်းဝင်နေရာဌာနများ၌ အဓိကရုဏ်း နှိမ်နင်းရေးရဲများဖြင့် အစောင့် အကြပ်များ ချထားခဲ့သည်။
“ချေ”ဟုသာ သိထားသော အသက် ၆၉ နှစ်အရွယ်ရှိ လူတစ်ဦးကို တနင်္လာနေ့ ညဦး ပိုင်းက ဖမ်းဆီးရမိခဲ့ ကြောင်းကို နမ်ဒေးမွန် ရဲစခန်းမှ ဒုရဲမ·း ကမ်ယုံဆူးက ကြေညာရင်း “ဒီအမှုနဲ့ စပ်လျဉ်း ပြီး သင်္ကာမကင်းခဲ့ရသူက သူ ကျူးလွန်ခဲ့တဲ့ အမှုအားလုံးကို ၀န်ခံခဲ့ပါ တယ်” ဟုပြောကြားခဲ့သည်။
