အသားဖြူသူတွေ သထိထား၊ အရေပြား ကင်ဆာရောဂါ ပိုမိုဖြစ်ပွားနိုင်။

အရေပြားရှိ မယ်လ်နင်ဓာတ်ဟု ခေါ်သော ရောင်ခြယ်ဓာတ်နည်းသော အသားဖြူသူများသည် အသားညိုသူ များထက် အရေပြားကင်ဆာ ပိုမိုဖြစ် ပွားနိုင်ကြောင်း ရန်ကုန်ပြည်သူ့ဆေးရုံကြီး၊ အရေပြားရောဂါကုဌာန၊ အရေပြား အထူးကု ဆရာဝန်ကြီး ဒေါက်တာ စိုးဝင်းဦးက ပြောကြားသည်။

အရေပြားကင်ဆာရောဂါသည် အရေပြားရှိသည့်နေရာတိုင်းတွင် ဖြစ် နိုင်သော်လည်း လူတစ်ဦးနှင့်တစ်ဦး အရေပြား ပုံစံချင်း မတူညီသောကြောင့် ဖြစ်နိုင်ခြေရှိသည့် အခြေအနေကွာခြားမှု ရှိခြင်းဖြစ်ကြောင်း ဒေါက်တာစိုးဝင်းဦး က ပြောသည်။

အရေပြားကင်ဆာရောဂါသည် နေ ရောင်ခြည်တွင်ပါရှိသော ခရမ်းလွန် ရောင်ခြည် ထိတွေ့မှုများခြင်းကြောင့် အဓိကဖြစ်ပွားရခြင်းဖြစ်ပြီး ယင်းရောင် ခြည်ကြောင့် အရေပြားအတွင်းရှိ မျိုးရိုး ဗီဇကလာပ်စည်း(DNA) များ ပျက်စီး သွားသောကြောင့် ပုံမှန်လမ်းကြောင်း မှပြောင်းကာ ကင်ဆာဆဲလ်များအဖြစ် ပြောင်းလဲသွားခြင်းဖြစ်ကြောင်း ၎င်းင်းက ရှင်းပြသည်။

ထို့ပြင် အရေပြားကင်ဆာဖြစ်ပွားစေ သောအချက်များထဲတွင် ထိခိုက်ဒဏ်ရာ ကြာရှည်စွာဖြစ်ပွားခြင်း၊ ဆေးလိပ် သောက်သူများတွင် နီကိုတင်းဓာတ် ကြောင့် နှုတ်ခမ်းတွင်အပူဒဏ်ရာ ကြာ ရှည်စွာဖြစ်ခြင်း၊ ခန္ဓာကိုယ်တွင် အနာ ကြာရှည်စွာဖြစ်ခြင်း စသည့် အရေပြား ထိခိုက်ဒဏ်ရာများကြောင့်လည်းကောင်း၊ ကတ္တရာ၊ ကျပ်ခိုး၊ ပိုးသတ်ဆေး စသည့် ဓာတုဗေဒပစ္စည်းများနှင့် မကြာခဏ ထိတွေ့မှုများခြင်းကြောင့်လည်းကောင်း၊ ဓာတ်သတ္တုပစ္စည်းများ ခန္ဓာကိုယ်တွင်း ၀င်ရောက်သွားခြင်းကြောင့်လည်းကောင်း စသော နည်းလမ်းများဖြင့် အရေပြား ကင်ဆာရောဂါ ဖြစ်ပွားနိုင်သည်ဟု ဒေါက်တာစိုးဝင်းဦးက ပြောသည်။

ထို့ပြင် ထိခိုက်ဒဏ်ရာများဖြစ်ပြီး နောက်ကျန်ရှိခဲ့သော အမာရွတ်များ သည် ပုံမှန်အသားကောင်းများမဟုတ် သည့်အတွက် အချိန်ကြာမြင့်လာသည် နှင့်အမျှ အချိန်မရွေး ပြောင်းလဲသွား ကာ အရေပြားကင်ဆာရောဂါ ဖြစ်ပွား နိုင်သည်ဟု ၎င်းက ပြောသည်။

အရေပြားကင်ဆာရောဂါလက္ခဏာ များစွာရှိသည့်အနက် မှဲ့ကင်ဆာသည် အဆိုးဆုံးဖြစ်ပြီး နေလောင်အသားမာ ဖုများ၊ မှဲ့၊ မှဲ့ခြောက်များ အရွယ်အစား ကြီးမားလာခြင်း၊ ပုံစံပြောင်းလာခြင်း၊ သွေးထွက်လာခြင်း၊ နေနှင့်ထိတွေ့မှု များသော နေရာများတွင် အဖု၊ အကျိတ်၊ အလုံးနှင့် အနီကွက်များဖြစ်ပေါ်ခြင်းနှင့် အနာများမပျောက်ဘဲ ကြာရှည်စွာ ရှိနေခြင်း စသော ရောဂါလက္ခဏာများ တွေ့ရှိရကြောင်း သိရသည်။

အရေပြားကင်ဆာမှာ အသက် ၅၀ နှစ်နှင့်အထက် လူကြီးများတွင် ပိုအဖြစ် များပြီး မြန်မာနိုင်ငံတွင် အနောက်နိုင်ငံ များထက် ဖြစ်ပွားမှုနည်းသည်။

အရေပြားကင်ဆာကို ခွဲစိတ်ကုသ ခြင်း၊ ရောင်ခြည်ပြခြင်း(ဓာတ်ကင်ခြင်း) ကင်ဆာဆေးသွင်းခြင်း၊ ရောဂါအခြေ အနေ၊ လူနာ၏အခြေအနေနှင့် လူနာ တွင် ဖြစ်ပွားနေသော အခြားရောဂါ များ၏ အခြေအနေများပေါ်မူတည်ပြီး ပေါင်းစပ်ကုသခြင်း နည်းလမ်းများဖြင့် ကုသနိုင်ကြောင်း ၎င်းက ရှင်းပြသည်။

အရေပြားကင်ဆာရောဂါကို စောစီး စွာ သိရှိပြီး ကုသနိုင်ရန် အရေပြားတွင် မှဲ့၊ မှဲ့ခြောက်၊ အသားပို၊ အမှတ်များ ပြောင်းလဲလာခြင်း၊ အနာမကျက်ခြင်း များဖြစ်လာပါက သတိပြုမိရန် လိုအပ်သည့်အတွက် မိမိခန္ဓာကိုယ်တစ်ခုလုံးရှိ အရေပြားများကို အလင်းရောင်ကောင်းစွာရသည့် အခန်းအတွင်း ကိုယ်လုံး ပေါ်မှန်နှင့် လက်ကိုင်မှန်ကို အသုံးပြု ကာ မိမိဘာသာ ပုံမှန်စစ်ဆေးသင့်သည် ဟု ဒေါက်တာစိုးဝင်းဦးက ပြောသည်။

အရေပြားအထူးကု ဆရာဝန်ကြီးတစ်ဦးကလည်း အရေပြားကင်ဆာရောဂါသည် မျက်နှာအရေပြားတွင် အဖြစ်အများဆုံး ဖြစ်ပွားကြောင်း၊ ကြိုတင်ကာကွယ်နိုင်ရန်အတွက် နေရောင်ခြည်နှင့် တိုက်ရိုက်ထိတွေ့ခြင်းမှ ရှောင်ကြဉ်သင့် သည်ဟု ပြောကြားသည်။


Ref: MMTimes