ဝေဟင်ပျံမယ့် မြန်မာအမျိုးသမီးလေယာဉ်မှူးများ

အခုတလောရန်ကုန်က ကြားရတဲ့သတင်းတစ်ခုကတော့ စိတ်ဝင်စားစရာပါ။
လေယာဉ်မှုးအဖြစ်အမျိုးသမီးအချို့ကိုခန့်အပ်ခြင်းပါ။ ဘာပြောပြော ဒီကိစ္စဟာ ဖွံဖြိုးနေတဲ့နိုင်ငံအတွက်ဘာမှမဟုတ်ပေမဲ့(ဒါတောင်အလွန်နည်းပါတယ်) အခုလို့ မြန်မာနိုင်ငံ လိုမျိုးနေရာမှာ ဒီလို အခွင့်အရေးတွေပေါ်ထွက်လာတာဟာ အဆိုးထဲက အကောင်းအဖြစ်မျှော်လင့်ရမှာပါ။ ခန့်အပ်တဲ့ ကုမ္ပဏီကတော့ အများသိကြတဲ့အတိုင်းပဲ မိုးကျရွှေကိုယ် ထူးကုမ္ပဏီပိုင် ပုဂံအဲကပဲဖြစ်ပါတယ်။ ကျွန်တော့် blog ကိုလာရောက် အားပေးကြည့်ရှုတဲ့ သူများသိရှိနိုင်ရန်ကျွန်တော်ဖော်ပြပေးလိုက်ပါတယ်။
လေယာဉ်တုန်ခါမှုကို ခြေဖ၀ါးကတစ်ဆင့် ခံစားလိုက်တိုင်း ကျေနပ်မှုပီတိ အဟုန်မြင့်လာတယ်လို့ ဆိုတဲ့သူကတော့ များမကြာမီမှာ အမျိုးသမီး လေယာဉ်မှူး ဖြစ်လာတော့မယ့် အဲပုဂံလေကြောင်းလိုင်းမှ လေယာဉ်မယ်တစ်ဦးဖြစ်သူ မမေချိုဝင်း ပါပဲ။
အသက် ၂၁ နှစ်ရှိပြီဖြစ်တဲ့ မမေချိုဝင်းက လေယာဉ်ပေါ်မှာ တာဝန်ထမ်းဆောင်နေရင်း အခွင့်အရေးရတိုင်း လေယာဉ်စက်သံကို ငြိမ်ငြိမ် လေးထိုင် နားထောင်မိရင်ဖြင့် တေးဂီတသံခံစား ရသလို ပါပဲတဲ့။
~တစ်ခါတလေ လေယာဉ်ပေါ်က စီးမြင်နေရတဲ့ ကြည်လင် တည်ငြိမ်နေတဲ့ မြင်ကွင်းကို ငုံ့ကြည့်ရ တာကလည်း ကျေနပ်စရာပါပဲ~ လို့ မမေချိုဝင်း က ပြောပါတယ်။
မမေချိုဝင်းဟာ တခြားအမျိုးသမီး လေယာဉ် ၀န်ထမ်းတစ်ဦးဖြစ်တဲ့ မနှင်းဦးဝေနဲ့ အမျိုးသား လေယာဉ်ဝန်ထမ်းလေးဦးအဖွဲ့နဲ့အတူ အဲပုဂံရဲ့ အစီအစဉ်နဲ့ Integrated Aviation Academy မှာ နှစ်နှစ်ကြာသင်တန်း တက်ရောက်ဖို့ ပြီးခဲတဲ့လလယ်ပိုင်းက ထွက်ခွာ သွားပြီဖြစ်ပါတယ်။
~ကျွန်မ လေယာဉ်မှူးရာထူးကို လျှောက်ထား ဖြစ်တာက ဒီအလုပ်က အရမ်းစိတ်လှုပ်ရှားစရာ ကောင်းပြီး စိန်ခေါ်မှု အပြည့်ရှိတဲ့အလုပ်လို့ ထင်လို့ ပါပဲ~ လို့ မမေချိုဝင်းက ဆိုပါတယ်။
အစိုးရ ကွန်ပျူတာကောလိပ် ပုသိမ်မြို့က ကွန်ပျူတာနည်းပညာဆိုင်ရာ ဘွဲ့ရထားတဲ့ မမေချိုဝင်းက သူ့ရဲ့ပညာရေး နောက်ခံ¸ာ သူအခု လုပ်မယ့် လေယာဉ်မှူးရာထူးအတွက် အထောက် အကူပြုတယ်လို့ ဆိုပါတယ်။
~ အခုနောက်ပိုင်း လေယာဉ်တွေမှာ လေယာဉ် မောင်းတာကကို fly-by-wire စနစ်နဲ့ လေယာဉ်မှူး တွေက တိုက်ရိုက် ထိန်းချုပ်တာမဟုတ်ဘဲ ကွန်ပျူတာတွေကတစ်ဆင့် ညွှန်ကြားထိန်းချုပ်တာမို့ ကျွန်မရဲ့ ပညာနောက်ခံ ဗဟုသုတကို လေယာဉ်မောင်းတဲ့အခါ အသုံးချလို့ရပါတယ်~ လို့ သူက ဆိုပါတယ်။
မနှင်းဦးဝေကလည်း ဒီအတိုင်းပါပဲ။ နိုင်ငံ တကာဆက်ဆံရေးဘာသာအဓိကနဲ့ ဘွဲ့ရထားတဲ့ မနှင်းဦးဝေကလည်း နိုင်ငံတကာ လေကြောင်း လိုင်းအဖြစ် ပျံသန်းဖို့ တာစူနေတဲ့ အဲပုဂံအတွက် သူ့ပညာရေးနောက်ခံက အလွန် အထောက်အကူ ပြုပါတယ်တဲ့။ မမေချိုဝင်းက သူ့ကို လေယာဉ်မှူးအဖြစ် ရွေးချယ်ခံလိုက်ရတဲ့အတွက် အရမ်းကြည်နူးသွား မိပြီး တာဝန် ပိုရှိ သွားတယ်လို့ ခံစားရတယ်လို့ ဆိုပါတယ်။ မီဒီယာတချို့မှာ သူတို့နှစ်ဦးကို မြန်မာနိုင်ငံရဲ့ ပထမဦးဆုံး လေယာဉ်မှူး တွေအဖြစ် ရေးသားထားတာနဲ့ ပတ်သက်ပြီး မမေချိုဝင်းက ဒီလိုပြော ပါတယ်။~ စိတ်လှုပ်ရှားမိတယ်။ စိုးလည်းစိုးရိမ်တယ်။ လေယာဉ်မှူးတစ်ယောက် ဖြစ်ဖို့ တော်တော် အားထုတ်ရမယ်။ ပြီးတော့ ဆုံးဖြတ်ချက်ချရဲရမယ်~ တဲ့။
အမျိုးသမီးလေယာဉ်မှူးအရေအတွက်က အမျိုး သားတွေထက် လျော့နည်းနေတာနဲ့ ပတ်သက်လို့ သူက ဒီအလုပ်ဟာ အန္တရာယ်များတဲ့ အလုပ်တစ်ခုလို့ သဘောထားခဲ့ကြတာရယ်၊ အစဉ်အဆက် အမျိုးသားတွေ ကပဲတာဝန်ထမ်းဆောင် ခဲ့တာမို့လို့ ဆိုပါတယ်။
~ ဒါပေမယ့် အခုခေတ်မှာတော့ အမြင်တွေ ပြောင်းလာကြပါပြ~ လို့ အသက် ၂၆ နှစ်ရှိပြီဖြစ် တဲ့ မနှင်းဦးဝေက ပြောပါတယ်။
အဲပုဂံက သူ့ကို ဒီလိုလေယာဉ်မှူးအဖြစ် ရွေးချယ်လိုက်တာဟာ သူ့ရဲ့လေယာဉ်မှူးအရည် အသွေးကိုသာမက ခေါင်းဆောင်မှုအရည်အသွေး၊ ခရီးသည်ဝန်ဆောင်မှု၊ အုပ်ချုပ်မှုနဲ့ စီးပွားရေး ဆိုင်ရာ အရည်အသွေးတွေကိုလည်း မြှင့်တင်ရာ ရောက်ကြောင်း ဆိုပါတယ်။
~ လေယာဉ်ပျံသန်းတဲ့ အခြေခံပဉ္စလက်ကို ခံစားမိနေသလိုပဲ။ အဲဒါက လေယာဉ်ပျံသန်းမှု အရှိန်တို့၊ သက်သောင့် သက်သာ ရှိမှုတို့နဲ့ မဆိုင်ဘူး။ လေယာဉ်ပျံသန်းတာက ပဉ္စလက်တစ်ခုပဲလို့ ထင်တယ~ လို့ မနှင်းဦးဝေက ပြောပါတယ်။
ဒီသင်တန်းပြီးရင်တော့ သင်တန်းတက်ဖို့ စေလွှတ်ခံရတဲ့ သူတို့ခြောက်ယောက်ဟာ အဲပုဂံရဲ့ ပြည်တွင်းပြည်ပ ခရီးစဉ်တွေမှာ လေယာဉ်မှူးများအဖြစ် တာဝန်ထမ်းဆောင်ရမှာပါ။
မလေးရှားတက္ကသိုလ်မှာ သူတို့တစ်တွေဟာ လေခွင်းအားနဲ့ လေယာဉ်ပျံသန်းမှုစည်းမျဉ်းစည်းကမ်း၊ ရာသီဥတု အပြောင်းအလဲ အနေအထား စတဲ့ဘာသာရပ်တွေကို သင်ကြားရမှာဖြစ်ပါတယ်။
ဒီလိုမျိုးဆက်သစ် အမျိုးသမီးလေယာဉ်မှူးတွေ ပေါ်ထွက်လာတာနဲ့ ပတ်သက်ပြီး ၁၉၅၆ ခုနှစ်က လေယာဉ်အပေါ့စား (ဂလိုက်ဒါ) မောင်းပြခဲ့တဲ့ မြန်မာအမျိုးသမီးလေယာဉ်မှူး ဒေါ်လှသန်းက ~ ဒီလိုအမျိုးသမီး လေယာဉ်မှူးတွေ ပေါ်ပေါက် လာတာ ၀မ်းသာစရာပါ။ မြန်မာအမျိုးသမီးလေးတွေ အတွက် လမ်းပွင့်သွားပြီလို့လည်း ဆိုချင်ပါတယ်။ ဒါပေမယ့် နှစ်ပေါင်း ၅၀ ကြာပြီးမှ ဒီလိုဖြစ်လာတာ နောက်တောင်ကျနေပြီလို့ ပြောရမလိုပါ~ တဲ့။
အခုဆိုရင် အသက် ၇၈ နှစ်ရှိပြီဖြစ်တဲ့ ဒေါ်လှသန်းဟာ အစ္စရေးနဲ့ အင်္ဂလန်တို့လို နိုင်ငံရပ်ခြားမှာ လေယာဉ်မောင်း အတတ်ပညာကို ဆည်းပူးလေ့လာခဲ့ပြီး မြန်မာနိုင်ငံမှာလည်း စိန်တံဆိပ်ရှင် ယူဂိုဆလပ်ဆရာ တစ်ဦးရဲ့ကြီးကြပ်မှုနဲ့ လေ့လာ ဆည်းပူးခဲ့တယ်လို့ သိရပါတယ်။
~ အဲဒီအချိန်ကတည်းက အမျိုးသမီးတွေ အတွက် လေယာဉ်မောင်းကလပ်တွေ ဆက်တိုက် ဖွင့်ပေးခဲ့ရင် အခုဆိုရင် မြန်မာအမျိုးသမီး အာကာသယာဉ်မှူးတွေ ရှိနှင့်ပြီပေါ့~ လို့ သူက အားမလိုအားမရ ပြောပါတယ်။
ဒေါ်လှသန်းတို့ ဂလိုက်ဒါ မောင်းနှင်ပြစဉ် ကာလတုန်းက ကားမောင်းတတ်တဲ့ မိန်းကလေး တောင်မှ မရှိသလောက် နည်းပါးတဲ့အချိန်လို့ ဆိုရမှာပါ။
~ အန်တီ မိတ္ထီလာမှာ ဂလိုက်ဒါမောင်းပြပြီး ဆင်းလာတဲ့အခါမှာ ပရိသတ်က မယုံနိုင်လို့ အသားကို လာထိကြည့် ကြတယ်။ အဲဒီရှေးကျတဲ့ အချိန်တုန်းက အန်တီဟာ ခေတ်ရှေ့ပြေးဖြစ်ခဲ့တယ်။ မိန်းကလေးတွေ အရာရောက် လာတာကို အရမ်းဝမ်းသာပါတယ်~ တဲ့။လို့ပြောကြားသွားပါတယ်။